سەرۆکوەزیران بارزانی: هەرچیمان پێ بکرێت بۆ کەسوکاری شەهیدان و ئەنفالکراوان دەیکەین

ئاڤا نیوز

سەرۆکوەزیران بارزانی و لیژنەی شەهیدان و قوربانییان و زیندانییانی سیاسی ئەنجوومەنی نوێنەرانی عێراق کۆبوونەوە، گفتوگۆیان لەبارەی پەرەپێدانی هاریکاری و هەماهەنگی نێوان حکومەتەکانی هەرێمی کوردستان و عێراق لە پێناو خزمەتکردنی زیاتری کەسوکاری شەهیدان و ئەنفالکراوان و زیانلێکەوتووانی دەستی ڕژێمی پێشووی عێراق کرد.

ڕاگەیێنراوی فەرمی: داوامان لە حکومەتی فیدراڵ ئەوەیە ڕێز لە قوربانیدانەکانی خەڵکی کوردستان و هەموو قوربانییانی دەستی ڕژێمی پێشووی عێراق بگرێت و بە شێوەیەکی شایستە، قەرەبووی کەسوکاری شەهیدان و زیانلێکەوتووانی ڕژێمی پێشوو بکاتەوە.

زانیاریی زیاتر:  جەختمان کردەوە کە هەرچی پێمان بکرێت بۆ خزمەتکردنی کەسوکاری شەهیدان و ئەنفالکراوان دەیکەین و کەمتەرخەمی ناکەین. سەرۆکوەزیران بارزانی وا دەڵێت.

لە لایەکی دیکەوە: سەرۆک و ئەندامانی لیژنەکەش ئاماژەیان بەوەداوە، ئامانجیان بەهێزکردنی هەماهەنگییە لەگەڵ وەزارەتی کاروباری شەهیدان و ئەنفالکراوان لە پێناو هەموارکردنەوەی چەند یاسایەک بۆ خزمەتکردن و قەرەبووکردنەوەی کەسوکاری شەهیدان و زیندانییانی سیاسی و زیانلێکەوتووانی دەستی ڕژێمی پێشووی عێراق.