نێچیرڤان بارزانی و عه‌بدوڵڵاهيان جەخت لە بەهێزی پەیوەندی سیاسی و ئابووری دەکەنەوە

ئاڤا نیوز

 

نێچيرڤان بارزانى، سەرۆکی هەرێمی کوردستان و حسێن ئه‌مير عه‌بدوڵڵاهيان، وەزیری دەرەوەی ئێران لە تاران کۆبوونەوە و په‌يوه‌ندييه‌كانى عێراق و هه‌رێمى كوردستانيان له‌گه‌ڵ ئێراندا تاوتوێ كرد.

 

وێنە گەورەکە: ئەوە سێیەمین کۆبوونەوەی سەرۆکی هەرێمی کوردستانە لە تاران، لەگەڵ گەورە بەرپرسانی وڵاتەکە و بڕیارە دوای وەزیری دەرەوە لەگەڵ شاندێکی پەرلەمانی ئێرانیدا کۆببێتەوە.

 

ڕاگەیێنراوی فەرمی: بە گوێرەی ڕاگەیێنراوی سەرۆکایەتیی هەرێمی کوردستان، هه‌ردوولا جه‌ختيان له‌ بايه‌خ و گرنگيى بره‌ودان به‌ په‌يوه‌ندييه‌كان بۆ هه‌ردوو وڵات كرده‌وه‌ و باسيان له‌ زه‌مينه‌ و ده‌رفه‌ته‌كانى زيادكردنى جوڵه‌، ئاڵوگۆڕى بازرگانى، چالاكييه‌ ئابوورييه‌كان و كار و پرۆژه‌كانى كه‌رتى تايبه‌تى ئێرانى له‌ عێراق و هه‌رێمى كوردستان كرد.

 

زانیاریی زیاتر: لە بەشێکی دیکەی کۆبوونەوەکە تيشكيان خسته‌ سه‌ر دۆخى سياسىی عێراق و هه‌رێمى كوردستان، دوايين پێشهاته‌كانى ناوچه‌كه‌ و پێداگریان له‌ پاراستنى سه‌قامگيرى كرده‌وه‌.