کۆرپەلەیەک لە سکی منداڵێکی تەمەن سێ مانگ دەردەهێنرێت

ئاڤا نیوز

 

لە کەرکووک نەشتەرگەرییەکی دەگمەن بۆ کچێکی تەمەن سێ مانگ کرا کە بە شێوەیەکی زگماک، دووگیان بووە.

 

چیرۆکی سەرەکی: شەوی ڕابردوو لە نەخۆشخانەی منداڵبوونی کەرکووک، نەشتەرگەرییەک بۆ کچێکی تەمەن سێ مانگ کراوە و منداڵێک لە سکی دەرهێنراوە.

 

زانیاریی بەدەستهاتوو: نەشتەرگەرییەکە لە لایەن چەند پزیشکێکی پسپۆڕەوە بۆ کچۆڵەیەکی تەمەن سێ مانگ کراوە کە بەردەوام بە دەست سکچوون و ڕشانەوە ناڵاندوویەتی، ئەو منداڵە لەگەڵ گەورەبوونی تەمەنیدا قەبارەی سکیشی گەورە بووە، بۆیە پشکنینی تیشکی بۆ کراوە.

 

زانیاریی زیاتر: لە پشکنین دەرکەوتووە منداڵەکە گرێیەک لە ناو سکیدا هەیە کە کۆرپەلە بووە، بۆیە نەشتەرگەری بۆ کراوە و ئێستا تەندروستی جێگیرە.