هەفتەی ئاییندە پرسی هەڵبژاردنی پەرلەمانی کوردستان یەکلا دەبێتەوە

ئاڤا نیوز

 

سەرۆکی دیوانی سەرۆکایەتیی هەرێمی کوردستان ئاماژە بەوە دەدات، لە کۆبوونەوەکانی سەرۆکی هەرێمی کوردستان لەگەڵ بەرپرسانی باڵای ئێران، قسە لەسەر پرسی هەڵبژاردن نەکراوە.

 

وێنە گەورەکە: دوو ڕۆژە نێچیرڤان بارزانی، سەرۆکی هەریمی کوردستان لە تارانە، لەگەڵ ڕێبەری باڵا، سەرۆککۆمار و وەزیری دەرەوەی ئێران کۆ بووەتەوە، بەهێزکردنەوەی پەیوەندییە سیاسیی، ئابووری و بازرگانییەکان پێداگری لەسەر کراوەتەوە.

 

لێدوانی فەرمی: فەوزی هەریری، سەرۆکی دیوانی سەرۆکایەتیی هەرێمی کوردستان ئەندامی شاندەکەیە و لە تاران قسەی بۆ میدیاکان کرد و گوتی، "لە کۆبووەنەوەکاندا پرسی دواخستنی هەڵبژاردنی پەرلەمانی کوردستان قسەی لەسەر نەکراوە، بەڵام هەفتەی ئایندە ئەم پرسە یەکلا دەبێتەوە."

 

ئەوەی پێویستە بیزانیت: بە بڕیاری سەرۆکایەتیی هەرێمی کوردستان، دەبوو ڕۆژی 10ـی حوزەیرانی ئەمساڵ هەڵبژاردنی پەرلەمانی کوردستان بکرێت، بەڵام کۆمیسیۆنی باڵای سەربەخۆی هەڵبژاردنەکانی عێراق ڕێکارەکانی ئامادەسازی بۆ سەرپەرشتیکردنی هەڵبژاردنەکە سست کردووە، هەموو ئاماژەکان بەو ئاراستەیەن پڕۆسەکە بۆ مانگی 10 دوابخرێت.