لە عێراق دەست بەسەر 14 ترێلەی گەنمی قاچاخ و خراپ دەگیرێت

ئاڤا نیوز 

 

دەزگای ئاسایشی نیشتمانی عێراق دەستبەسەرداگرتنی زیاتر لە دوو هەزار و 500 تۆن گەنمی قاچاخ و خراپبووی ڕاگەیاند، چەند کەسێکیش دەستگیرکران.

 

ڕاگەیێنراوی فەرمی: دەزگاکە دەستیبەسەر 14 ترێلەردا گرتووە که زیاتر لە 400 تۆن گەنمی بەشەخۆراکی چەند پارێزگایەکی هەڵگرتبوو، لە نەجەفیش دەست بەسەر بڕێکی زۆر دانەوێڵەی بۆیاخکراودا گیراوە و شۆفێره‌کانیشیان دەستگیرکراون.

 

زانیاریی زیاتر: له‌ ‌دیالاش 343 تۆنی گەنمی تێکچوو دەستیبەسەردا گیراوە و سێ تۆمەتباری دیکه‌ کە یەکێکیان بازرگان و دوو کەسیش وەک کرێکار و کارمەندێک لە کشتوکاڵی پارێزگای دیوانیە لەکاتی وەرگرتنی بەرتیل لە بازرگانەکە دەستگیرکراون.

 

لە هەمان کاتدا: ئۆپەراسیۆنێکی دیکەی هێزەکە لە ئەنبار بووە، دەستبەسەر نزیکەی هەزار و 800 تۆن گەنمی خراپبوودا گیراوە لە کاتێکدا دەگوازرایەوە بۆ سایلۆی ڕومادی بە مەبەستی بەبازاڕکردنی، 35 شۆفێریش دەستگیرکراون.