ئەو گەنجەی سەرۆکوەزیران بارزانی خەڵاتی کرد قسە بۆ ئاڤا دەکات

ئاڤا نیوز

 

یەکێک لە ئەندامانی شاندی ڕێکخراوێکی پزیشکیی نەرویجی لەلایەن سەرۆکوەزیران بارزانی خەڵاتی تایبەتی پێ درا و دەڵێت، خەڵاتەکە بەهۆی کۆکردنەوەی هاوکاری بوو بۆ هەرێمی کوردستان.

 

چیرۆکە سەرەکییەکە: سەرۆکوەزیران بارزانی، پێشوازی لە شاندێکی ئۆپه‌راسیۆنه‌ نێوده‌وڵه‌تییەكانی ڕێكخراوی ده‌ستپێشخه‌ریی پزیشكیی نه‌رویجی کرد و خەڵاتی تایبەتی خۆی پێ بەخشین.

 

لێدوانی فەرمی: د. لەزگین جەمیل ئەو کەسەیە کە لەلایەن سەرۆکوەزیران بارزانی قەڵغانێکی بە لۆگۆی بارزانی نەمر پێ دراوە، بە ئاڤا نیوزی ڕاگەیاند: پێش دوو ساڵ بەڵێنمان دا لە ماوەی پێنج ساڵدا بەبڕی 30 ملیۆن دۆلار هاوکاری بۆ هەرێمی کوردستان زامن بکەین، بەڵام  لەگەڵ دەزگای خێرخوازیی بارزانی لە ماوەی کەمتر لەسێ ساڵدا توانیمان بەبڕی 100 ملیۆن دۆلار هاوکاریی پزیشکی بۆ سەرجەم پارێزگاکانی هەرێمی کوردستان دابین بکەین.

 

زانیاریی زیاتر: لە ڕێگەی پڕۆژەیەکەوە کارئاسانی دەکەن بۆ ئەوەی لە هەر ئەگەرێکی نەخوازراودا، هاوکارییەکانی وڵاتانی ئەوروپا بۆ هەرێمی کوردستان بەردەوامیان هەبێت. د. لەزگین جەمیل ئەوەشی گوت.