سەرۆکی هەرێمی کوردستان: دەبێت هەموو لایەنەکان لەسەر بەڕێوەچوونی وادەی هەڵبژاردن ڕێکبکەون

ئاڤا نیوز 

 

سەرۆکی هەرێمی کوردستان ڕایگەیاند، دەبێت هەموو لایەنەکان لەسەر بەڕێوەچوونی وادەی هەڵبژاردن ڕێکبکەون و نەبێتە هۆی لێکترازانی زیاتری هەرێمی کوردستان.

 

لێدوانی فەرمی: نێچیرڤان بارزانی، سەرۆکی هەرێمی کوردستان لە کۆنگرەیەکی ڕۆژنامەوانیدا لە ئێران لەبارەی کاتی بەڕێوەچوونی هەڵبژاردن گوتی: تاوەکو ئێستا ڕۆژی هەڵبژاردن نەگۆڕاوە، دەمانەوێت هەڵبژاردنێک بکرێت، هیچ لایەنێک نە خۆی بە دۆڕاو و نە خۆی بە براوە بزانێت.

 

زانیاریی زیاتر: سەرۆکی هەرێمی کوردستان ڕەتی دەکاتەوە لە سەردانەکەیدا باسی هەڵبژاردنی پەرلەمانی کوردستان کرابێت و دەڵێت، تەنیا بەرپرسانی باڵای ئێران لە بارەی وادەی بەڕێوەچووونی هەڵبژاردنە پرسیاریان کردووە.

 

لەلایەکی دیکەوە: هەرێمی کوردستان دەیەوێت وەک فاکتەری سەقامگیری و ئاسایش لە ناوچەکە بمێنێتەوە، ئێران سوپاسی وەزیری ناوخۆی کرد، بەهۆی بەرەوپێشبردنی کەیسی ئەمنیی ناوچەکە، ناکرێت هیچ هێزێکی چەکدار لە هەرێمی کوردستان مەترسی لەسەر وڵاتانی دراوسێ دروست بکات. نێچیرڤان بارزانی وای گوت.