میوزیكژەنێكی كورد و گرووپێكی جیهانی لە بەغدا كۆنسێرت دەكەن

ئاڤا نیوز

 

گرووپێكی میوزیكی هاوبەشی ئەڵمانیا و كوردستان، زنجیرە كۆنسێرتێک لە عێراق و هەرێمی كوردستان دەکەن.

 

وێنە گەورەكە: گرووپە میوزیكییەكە لە سێ كەس پێك دێن، یەكێكیان كوردە و ئەوانی دیكە سەر بە نەتەوە جیاوازەكانن، لە بەغدا، هەولێر، كۆیە و سلێمانی كۆنسێرتی میوزیک و گفتوگۆی هونەری دەکەن.

 

لێدوانی فەرمی: ئالان عارف، میوزیكژەنی كورد و سەرپەرشتیاری گرووپەكە بە ئاڤا نیوزی گوت: ”ئامانجمان لەم كارە ئاوێتەكردنی میوزیكی گەلانی ناوچەكە و تێكهەڵكێشی میوزیكی كوردییە". 

 

زانیاری بەدەستهاتوو: ئاڤا نیوز زانیویەتی، لە كۆنسێرتەكاندا، ئالان عارف و گرووپەکە سێ پارچە میوزیكی كوردی دەژەنن.

 

ئەوەی پێویستە بیزانیت: ڕۆژانی 10-05 لە بەغدا، 15-05 لە هەولێر و 16-05 لە كۆیە كۆنسێرتەكان دەكەن.