لە دهۆک زەوی بۆ فەرمانبەران ئامادە دەکرێت

ئاڤا نیوز

 

پارێزگاری دهۆک فەرمانگە پەیوەندیدارەکانی ڕاسپارد زەوی ئامادە بکەن بۆ ئەوەی بەسەر فەرمانبەرە سوودمەندنەبووەکان دابەش بکرێت.

 

وێنە گەورەکە: ڕۆژی 27-03-2024، سەرۆکوەزیران بارزانی، نۆ بڕیاری لە بەرژەوەندیی هاونیشتمانیان دەرکرد کە یەکێک لەوانە دابەشکردنی زەوی بوو بەسەر فەرمانبەرە سوودمەندنەبووەکان.

 

ڕاگەیێنراوی فەرمی: د.عەلی تەتەر، پارێزگاری دهۆک سەرپەرشتی کۆبوونەوەیەکی تایبەتی کرد لەگەڵ قایمقامەکانی قەزای ناوەندی دهۆک، قەزای سێمێل و بەڕێوەبەرە پەیوەندیدارەکان لەبارەی بڕیاری سەرۆکوەزیران بارزانی بۆ دابەشکردنی زەوی.

 

زانیاریی زیاتر: پارێزگار هەموو فەرمانگە پەیوەندیدارەکانی ڕاسپاردووە بەپێی ڕێنمایی و یاساکانی حکومەت زەوی ئامادە بکەن بۆ ئەوەی بە یەکسانی بەسەر فەرمانبەران دابەش بکرێت، لە کۆبوونەوەکەشدا لیژنەیەکی باڵا پێکهێنرا بۆ جێبەجێکردنی بڕیاری سەرۆکوەزیران بارزانی.