مۆزەخانەی' نەتەوەسازان' دەکرێتەوە

ئاڤا نیوز

 

بەڕێوەبەرایەتیی گشتیی ڕۆشنبیری و هونەریی سلێمانی، لە ڕێوڕەسمێکدا مۆزەخانەی 'نەتەوەسازان' دەکاتەوە. 

 

لێدوانی فەرمی: بەیان زەریفی، سەرپەرشتیاری مۆزەخانەکە بە ئاڤا نیوزی ڕاگەیاند، "ئەم مۆزەخانەیە بیرۆکەی خۆم و سەفین ئەنوەرە، لە ساڵی 2014ـەوە کاری لەسەر دەکەم و دەستم کردووە بە کۆکردنەوەی کەلوپەل و ژیاننامە و زانیاریی هونەرمەندانی کۆچکردوو،  مۆزەخانەکە هەر لەناو هۆڵی ڕۆشنبیریدا دەبێت". 

 

زانیاریی زیاتر: ئێستا سەرقاڵن بە ئامادەکاری بۆ ڕێکخستنی مۆزەخانەکە و دکتۆر موحسین ئەدیب، بەڕێوبەری گشتیی ڕۆشنبیری و هونەریی سلێمانی هاوکاری کردوون و پشتگیری کارەکەی کردووە.

 

لەلایەکی دیکەوە: مۆزەخانەکە ناونراوە 'نەتەوەسازان'، زەریفی لەمبارەوە گوتی: بۆیە ئەو ناوەمان هەڵبژاردووە، چونکە هونەرمەندان دەتوانن لە ڕێگەی هونەرەکەیانەوە نەتەوە بناسێنن.

 

ئەوەی پێویستە بیزانیت: ڕۆژی پێنجشەممە، ڕێکەوتی 9ـی ئایار لە ڕێوڕەسمێکی شایستەدا مۆزەخانەکە دەکرێتەوە.