جێگری سەرۆکی ئەنگۆلا: کوردستان ناوچەیەکی گرنگ و سەرنجراکێشە بۆ وەبەرهێنان

ئاڤا نیوز

 

جێگری سەرۆکی ئەنگۆلا ڕایدەگەیێنێت، هەرێمی کوردستان سەرنجراکێشترین شوێنە کە دەیانەوێت سەردانی بکەن و وەبەرهێنانی لێ بکەن. 

 

وێنە گەورەکە: لە دیداری ساڵانەی وەبەرهێنان 10 هه‌زار كه‌س له‌ سه‌رانسه‌ری جیهان به‌شداری دەکەن، دیدارەکە پشتگیری لە‌ 10 كه‌رتی سه‌ره‌كیی ئابووری ده‌كات.

 

لێدوانی فەرمی: مزی فولا نگێنس، جێگری سەرۆکی ئەنگۆلا بە کوردستان حەسەن، پەیامنێری دیپلۆماسیی ئاڤا نیوزی ڕاگەیاند: "لێرە ئاڵای کوردستانم بینی جێگەی سەرنج بوو، هەرچەندە کوردستان نوێنەرایەتیی وڵاتێک ناکات، بەڵام کوردستان ناوچەیەکی گرنگ و سەرنجراکێشە بۆ وەبەرهێنان".

 

زانیاریی زیاتر: ئەو جێگرە ئەوەشی گوت، ئێمە خاوەنی نەوت و ئەڵماسین کە دوو سێکتەری گرنگین بۆ هەرێمی کوردستان و گرنگی بە کەرتی کشتوکاڵیش دەدەین، بۆیە دەمانەوێ بزانین تواناکانی ئەوان چین بۆ ئەوەی وەبەرهێنان لەم بوارەدا بکەین.