کۆمیسیۆن: ئامادەکارییەکانمان بۆ هەڵبژاردنی پەرلەمانی کوردستان ڕاگرت

ئاڤا نیوز

 

دوای سکاڵای سەرۆکوەزیران بارزانی لە دادگەی فیدراڵی، بە بڕیاری ئەنجوومەنی کۆمیسیارانی عێراق، سەرجەم ئامادەکارییەکان بۆ بەڕێوەبردنی هەڵبژاردنی خولی شەشەمی پەرلەمانی کوردستان ڕاگیرا.

 

وێنە گەورەکە: دادگەی باڵای فیدراڵیی عێراق، لەسەر سکاڵای سەرۆکوەزیران بارزانی بڕیاری دا جێبەجێکردنی سیستەمی تۆمار و پەسەندکردنی لیستی کاندیدەکان بۆ هەڵبژاردنی خولی شەشەمی پەرلەمانی کوردستان ڕابگرێت، تاوەکو ئەوکاتەی دۆسیەکە یەکلایی دەبێتەوە.

 

لێدوانی فەرمی: جومانە غەلای؛ گوتەبێژی کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی ڕاگەیاند، "ئەمڕۆ چوارشەممە، بە بڕیاری ئەنجوومەنی کۆمیسیاران سەرجەم ئامادەکارییەکانی بەڕێوەبردنی خولی شەشەمی پەرلەمانی کوردستان ڕاگیرا."

 

زانیاریی زیاتر: لە ماوەی مانگێکدا دادگەی فیدراڵی بڕیاری کۆتایی لەسەر سکاڵاکە لەبارەی دابەشکاریی بازنەکان و کورسیی کۆتاکان دەردەکات.