دادگەی فیدراڵی لەبارەی سکاڵایەکی دژ بە شەعلان کرەیم بڕیاری دا

ئاڤا نیوز

 

دادگەی فیدراڵیی عێراق سکاڵایەکی بۆ هەڵوەشاندنەوەی ئەندامێتی شەعلان کرەیم لە ئەنجوومەنی نوێنەران یەکلاکردەوە، بڕیاری دا کە ئەندامێتییەکەی دروستە.

 

چیرۆکی سەرەکی: هەر یەک لە یوسف کیلابی، فالح خەزعەلی و حسێن موئەنەس، ئەندامانی ئەنجوومەنی نوێنەرانی عێراق سکاڵایان دژی شەعلان کرەیم، ئەندامی ئەنجوومەنەکە تۆمار کردبوو.

 

ئەوەی پێویستە بیزانیت: ئەو سێ ئەندامە لە سکاڵایەکەیاندا داوایان کردبوو، بەهۆی نەبوونی مەرجە دەستووری و یاساییەکان لە ئەرکەکانیدا، ئەندامێتیی شەعلان کرەیم هەڵبوەشێنرێتەوە.

 
بڕیاری فەرمی: دادگەی فیدراڵی لە دانیشتنەکەیدا دۆسیەکەی یەکلاکردەوە بەوەی هیچ هۆکارێک بۆ هەڵوەشاندنەوەی ئەندامێتیی شەعلان کرەیم نییە، بڕیاری دا بەوەی ئەندامێتییەکەی دروستە.

 

زانیاریی زیاتر: دوای لادانی حەلبووسی لە پۆستی سەرۆکایەتیی ئەنجوومەنی نوێنەران، شەعلان کرەیم وەک بەربژێری حیزبی تەقەدووم بۆ شوێنگرەوەی دەستنیشان کرا لە خولی یەکەم زۆرترین دەنگی ئەندامانی بەدەستهێنا، ڕۆژی 17-04-2024 لە بەربژێربوون بۆ سەرۆکی ئەنجوومەنی نوێنەران و حیزبەکەیشی کشایەوە.