شاخەوان عەبدوڵا: بە بێ كۆتاكان هەڵبژاردنی پەرلەمانی كوردستان هەڵەیەكی گەورەیە

ئاڤا نیوز

 

جێگری سەرۆكی پەرلەمانی عێراق ڕایگەیاند، ناكرێت هەڵبژاردنی هەرێمی كوردستان بەبێ پێكهاتەكان بکرێت، دەشڵێت بەم زووانە كێشەكان چارەسەر دەبن.

 

وێنە گەورەكە: هەرچەندە بڕیاربوو هەڵبژاردنی پەرلەمانی كوردستان لە 10 ی حوەزەیرانی ئەمساڵ بكرێت، بەڵام بەهۆی تێبینییەكانی پارتی لەسەر شێوازی بەڕێوەچوونی ڕەنگە هەڵبژاردن بۆ چەند مانگێک دوابخرێت، كۆمسیۆنی باڵای سەربەخۆی هەڵبژاردنەكانی عێراقیش بەشێک لە ئامادەكارییەكانی ڕاگرتووە.

 

لێدوانی فەرمی: شاخەوان عەبدوڵا، جێگری سەرۆكی پەرلەمانی عێراق، لە کۆنگرەیەکی ڕۆژنامەوانیدا ڕایگەیاند: لێكتێگەیشتنێكی زۆر باش هەیە لە نێوان هەرێمی كوردستان و عێراقدا، بەم زووانە كێشەكان چارەسەر دەبن، دەبێت هەڵبژاردنێک بۆ پەرلەمانی كوردستان بکرێت كە هەموو لایەنەكان تێیدا بەشداربن و مافی پێكهاتەكانیش نەخورێت.