حکومەتی هەرێمی کوردستان کار بۆ ساغکردنەوەی گەنمی جووتیاران دەکات

ئاڤا نیوز

 

گوتەبێژی حکومەتی هەرێمی کوردستان ڕایگەیاند، بۆ ساغکردنەوەی گەنمی ئەمساڵی جووتیاران حکومەتی هەرێمی کوردستان شاندێکی کشتوکاڵی ڕەوانەی بەغدا کردووە.

 

وێنە گەورەکە: پێشبینی دەکرێت کە ئەمساڵ ڕێژەی گەنم لە هەرێمی کوردستان بەرزبێتەوە، حکومەتی هەرێمی کوردستانیش لە ئێستاوە لە خەمی جووتیارانە و دەیەوێت گەنمەکەیان ساخ بکرێتەوە.

 

لێدوانی فەرمی: پێشەوا هەورامانی، گوتەبێژی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند: "لەگەڵ حکومەتی فیدراڵ لە گفتوگۆداین بۆ ئەوەی بتوانین ڕێژەیەکی باشی گەنمی جووتیارانی هەرێمی کوردستان وەکو ناوچەکانی دیکەی عێراق وەربگرن".

 

ئەوەی پێويستە بیزانیت: ئەمساڵ وەزارەتی کشتوکاڵ لە چوارچێوەی پلانی چاندنی وەرزی زستانە، زانیارییەکانی لە فۆڕمێکی تایبەت تۆمار كردووە، ئەو جووتیارانەی خۆیان خاوەنی زەوییەکانن فۆڕمەکانیان پڕکردووەتەوە سەبارەت بە ڕووبەری زەوییەکان و شێوازی چاندنی دێمی و بەراو ئاماژەی پێکراوە.