باندێكی نێودەوڵەتیی ماددەی هۆشبەر دەستگیر كران

ئاڤا نیوز

دەزگای ئاسایشی هەرێمی كوردستان، دەستگیركردنی باندێكی نێودەوڵەتیی ماددەی هۆشبەر و دەستبەسەرداگرتنی 30 كیلۆ ماددەی كریستاڵی ڕاگەیاند.

چیرۆكی سەرەكی: دەزگای ئاسایشی هەرێمی كوردستان بە هاوبەشی لەگەڵ بەڕێوەبەرایەتیی گشتیی نەهێشتنی ماددە هۆشبەرەكانی عێراق، لە ئۆپەراسیۆنێكی تایبەتدا توانییان باندێكی چوار کەسی نێودەوڵەتیی دەستگیر بكەن، كە دەستیان لە گواستوەتەوەی ماددەی هۆشبەر هەبووە.

لێدوانی فەرمی: هاوار مەجید، بەڕێوەبەری بەڕێوەبەرایەتیی نەهێشتنی ماددە هۆشبەرەکانی دەزگای ئاسایشی هەرێمی كوردستان ڕایگەیاند: لەدوای لێكۆڵینەوەی ورد و بە فەرمانی دادوەر، توانراوە ئەو چوار كەسە دەستگیر بكرێن و 30 كیلۆ ماددەی كریستاڵیشیان دەستی بەسەردا گیراوە.

وێنە گەورەكە: دەزگای ئاسایشی هەرێمی كوردستان و بەڕێوەبەرایەتیی گشتیی نەهێشتنی ماددە هۆشبەرەكان بەردەوام لە هەوڵدان بۆ دەستگیركردنی بازرگانان و بەكارهێنەرانی ماددەی هۆشبەر.

ئەوەی پێویستە بیزانیت: ڕۆژی 04-05-2024، بازرگانێکی ماددەی هۆشبەر دەستگیر کرا و لەکاتی دەستگیرکردنەکەیدا دەست بەسەر سێ کیلۆ و نیو ماددەی هۆشبەردا گیراوە.