بە مانگی دەستکرد ڕووپێوی زەوییە داچێنراوەکانی گەنم دەکرێت

ئاڤا نیوز

 

بۆ یەکەم جار لە هەرێمی کوردستان، تەکنیکێکی سەردەمیانە بۆ ڕووپێوی ڕووبەری زەوییە داچێنراوەکان بە گەنم بەکار هێنرا و ساڵی ئایندە لە عێراقیش کار بەو تەکنیکە دەکرێت.

 

وێنە گەورەکە: ساڵی ڕابردوو حکومەتی عێراق بە بیانووی ئەوەی گوومانی لە داتاکانی هەرێمی کوردستان هەیە، تەنیا 500 هەزار تۆن گەنمی لە سایلۆکان وەرگرت، بەڵام ئەمساڵ بە بڕیاری سەرۆکوەزیران بارزانی لە ڕێگەی مانگی دەستکردەوە ڕووپێوی بۆ زەوی داچێنراو بە گەنم دەکرێت. 

 

لێدوانی فەرمی: د. زیدا محەممەد، بەڕێوەبەری گشتیی پلاندانان و بەدواداچوون لە وەزارەتی کشتوکاڵی هەرێمی کوردستان بە ئاڤا نیوزی گوت: "لە مانگی 11ـی ساڵی ڕابردوو تاوەکو سەرەتای مانگی چوار، لەڕێگەی مانگی دەستکردەوە ڕووپێوی بۆ زەوی داچێنراو بە گەنم کراوە".

 

ئەمەش بزانە: عێراق ساڵی ئایندە هەمان تەکنەلۆژیا بۆ ڕووپێوی زەوییە داچێنراوەکان بەکار دەهێنێت.

 

لەلایەکی دیکەوە: بڕیارە سەرەتای هەفتەی ئایندە لیژنەی 57 کۆببێتەوە و بڕیار لەسەر وەرگرتنی بەرهەمی گەنمی جووتیارانی هەرێمی کوردستان بۆ ئەمساڵ بدات.