بەغدا بۆ واشنتن: یاسادانان پەیوەندی بە عێراقەوە هەیە و دەبێت فەرهەنگی کۆمەڵگە لەبەرچاو بگیرێت

ئاڤا نیوز

فوئاد حوسێن، وەزیری دەرەوەی عێراق لە بەغدا لەگەڵ عەزرا زیا، یاریدەدەری وەزیری دەرەوەی ئەمریکا بۆ ئاسایشی شارستانی و دیموکراسی و مافەکانی مرۆڤ کۆبووەوە.

 

وێنە گەورەکە: بەگوێرەی ڕاگەیێنراوێکی وەزارەتی دەرەوەی عێراق، لە کۆبوونەوەکەدا باسی پێشکەوتنی دیموکراسیی عێراق کراوە، بەراورد بە سەردەمی رژێمی پێشووی عێراق کە خەڵکەکەی بەدەست پێشێلکاری بەربڵاوی مافەکانی مرۆڤەوە گیرۆدەبوون.

 

لێدوانی فەرمی:  فوئاد حوسێن، وەزیری دەرەوەی عێراق گوتی: "یاسادانان پەیوەندی بە عێراقەوە هەیە و دەبێت فەرهەنگی کۆمەڵگە لەبەرچاو بگیرێت".

 

بۆچوونی لایەنی بەرامبەر: عەزرا زیا ستایشی هەنگاوەکانی عێراقی کرد کە "ڕەنگدانەوەی پابەندبوونی بە دیموکراسی و بەرەوپێشبردنی مافەکانی مرۆڤەوەیە".

 

ئەمەش بزانە: هەردوولا جەختیان لەوە کردەوە کە هاوبەشیی ویلایەتە یەکگرتووەکانی ئەمریکا و عێراق بنەمای بنیاتنانی دامەزراوەیی دیموکراسی و مافەکانی مرۆڤە.