سێ یەكەمەكانی زانكۆ و پەیمانگەكانی هەرێمی كوردستان دادەمەزرێن

ئاڤا نیوز

 

لەسەر بڕیاری سەرۆکوەزیران بارزانی، وەزارەتی خوێندنی باڵا و توێژینەوەی زانستی، لیستێک ئامادە دەکات بۆ ئەوەی سێ یەکەمەکانی زانکۆ و پەیمانگەکانی هەرێمی کوردستان دابمەزرێن.

 
وێنە گەورەکە: بە بڕیاری سەرۆکوەزیران بارزانی, هەزار و 300 قوتابیی یەکەمی زانکۆ و پەیمانگەکانی ساڵی خوێندنی 2016-2017 دامەزرێنران و لە ساڵی 2018ـەوە قەیرانی دارایی و بڕینی بودجەی هەرێمی کوردستان پڕۆسەکەی وەستاند.

نووسراوی فەرمی: وەزارەتی خوێندنی باڵا و توێژینەوەی زانستیی حکومەتی هەرێمی کوردستان، بە نووسراوێک داوای لە زانکۆ حکومییەکانی هەرێمی کوردستان کردووە، لە  پێنج ڕۆژدا لیستی ناوی سێ یەکەمەکانی سەر ئاستی بەش لە کۆلیژ و پەیمانگەکانی زانکۆکانی هەرێمی کوردستان لە دەرچووانی ساڵانی 2017 - 2018 تا ساڵانی 2022-2023 بەپێی خشتەی دیاریکراو بۆ وەزارەت بنێرن.

ئەوەی پێویستە بیزانیت: ژمارەی سێ یەکەمەکانی زانکۆ و پەیمانگەکانی هەرێمی کوردستان زیاتر لە شەش هەزار کەسن.