بەشێک لە جووتیارانی کوردی کەرکووک لە وەرگرتنی گەنم بێبەش دەکرێن

ئاڤا نیوز

 

لە کەرکووک دەست بە وەرگرتنی گەنمی جووتیاران کرا، لە کاتێکدا زیاتر لە دوو هەفتەیە ڕێگری لە جووتیارە کوردەکان دەکرێت دروێنەی دەخڵودانەکانیان بکەن.

وێنە گەورەکە: سایلۆکانی وەرگرتنی گەنمی جووتیارانی سنووری کەرکووک کراونەتەوە و سبەی لە حەویجە و ڕیازیش دەکرێنەوە، سەرجەم بەرهەمی جووتیارانی ئەو پارێزگایە وەردەگیرێت.

لێدوانی فەرمی: زوهێر عەلی، بەڕێوەبەری کشتوکاڵی کەرکووک بە ئاڤا نیوزی ڕاگەیاند: "پێشبینی دەکرێت بڕی بەرهەمی ئەمساڵی جووتیاران 500 بۆ 600 هەزار تۆن بێت، بە قۆناغ لە چوارچێوەی پلانی کشتوکاڵی و لە دەرەوەی ئەو پلانەش سەرجەمی وەردەگیرێت."

زانیاریی زیاتر: وەزارەتی بازرگانی عێراق بڕی 30ملیار دیناری بۆ گه‌نمی جووتیارانی پارێزگای که‌رکووک ته‌رخان کردووە، بەڕێوەبەری کشتوکاڵی پارێزگاکەش ئاماژە بەوە دەدات، ئەو بڕە جێگیر نییە.

لە لایەکی دیکەوە: 15 ڕۆژە فیرقەی هەشتی سوپای عێراق، ڕێگری لە جووتیارانی چوار گوندی سنووری سەرگەڕان دەکات دروێنەی بەرهەمەکانیان بکەن، بە هۆیەوە مەترسی هەیە نزیکەی 600 جووتیار زەرەرمەند بن.