100 ملیۆن دۆلار بۆ بەرهەمهێنانی وزەی نوێبووەوە

ئاڤا نیوز

 

سەرۆکوەزیران بارزانی تاوەکو کۆتایی ساڵی 2024، 100 ملیۆن دۆلاری بۆ بەرهەمهێنانی وزەی نوێبوونەوە لە ڕێگەی تیشکی خۆر تەرخان کردووە، ئامانج لێی دوورکەوتنەوەیە لە دەستکەوتنی وزە لە سووتەمەنییە باوەکان.

 

لێدوانی فەرمی: ئومێد ئەحمەد، بەڕێوەبەری گشتیی دابەشکردنی کارەبای هەرێمی كوردستان و گوتەبێژی وەزارەتی کارەبا بە ئاڤا نیوزی ڕاگەیاند: بۆ یەکەمجار لە کابینەی نۆیەمی حکومەتی هەرێمی کوردستان بەرهەمهێنانی وزەی پاکی پشتبەستوو بە وزەی خۆر بەکارهات، لە پارێزگاکانی هەولێر و سلێمانی و دهۆک. 

 

زانیاریی زیاتر: هەزار و 500 دۆنم زەوی بۆ بەرهەمهێنانی 300 مێگاوات کارەبا، بەبڕی 100 ملیۆن دۆلار لەلایەن حکومەتی هەرێمی کوردستان تەرخان کراوە و کاریشیان لەسەر کراوە.

 

بۆچی گرنگە: سیستمی بەرهەمهێنانی کارەبا لە ڕێگەی وزەی خۆرەوە بە سیستمی دۆستی ژینگە ناسراوە و ژینگە پیس ناکات.