دروستکردنی پۆند و بەنداو هەنگاوێک بۆ ڕووبەڕووبوونەوەی قەیرانی ئاو

ئاڤا نیوز

 

کەمکردنەوەی لێکەوەتەی کاریگەرییەکانی گۆڕانی کەشوهەوا ڕێگریکردن لە قەیرانی ئاوی خاوێن، لە ماوەی کابینەی نۆیەم ژمارەیەک پۆند دروستکراون بۆ ڕووبەڕووبوونەوەی ئاڵنگارییەکان.

 

وێنە گەورەکە: لە هەرێمی کوردستان 21 بەنداو و زیاتر لە 120 پۆند بۆ گلدانەوەی ئاو هەن، حکومەتی هەرێمی کوردستان ستراتیژیەتی زیادکردنی ئەو ژمارەیەی بە مەبەستی ڕێگریکردن لە قەیرانی ئاو و ڕووبەڕووبوونەوەی وشکەساڵی داڕشتووە و لە قۆناغی جێبەجێکردندایە.

 

ژمارەکان وادەڵێن: لەماوەی ئەم کابینەیەدا بڕیاری دروستکردنی 41 پۆندی بە بەهای نزیکەی 27 ملیار دینار لە ناوچە جیاوازەکانی هەرێمی کوردستان داوە بە چەند قۆناغێک لە جێبەجێ کردندان. 
- قۆناغی یەکەمدا: 23 پۆند.
- قۆناغی دووەم: 14 پۆند 
- قۆناغی سێیەم: چوار پۆند

 

بابەتی ستراتیژی: لەکۆی 41 پۆند 20 پۆند تەواو بوون، جگە لەوەی دەرخستەی 23 پۆندی دیکە ئامادەکراوە، دوای ڕەزامەندی دەخرێنە بواری جێبەجێکردن.

 

بۆچی گرنگە؟ جگە لە پاراستنی سەرمایە، کۆکردنەوەیەتی بۆ سێکتەرەکانی کشتوکاڵ، گەشتیاری، پاڵپشتیکردنی جووتیاران، ڕەخساندنی هەلی کار، زیادکردنى ئاوى ژێر زەوی و پاراستنى هاووڵاتییان لە لافاو.

 

لەلایەکی دیکەوە: چوار بەنداو لە پارێزگاكانی هەولێر، سلێمانی و دهۆك لە قۆناغی دیزاینکردندان، پێکهاتوون لە بەنداوەکانی خێوەتە و دەڵگە لە سنووری پارێزگای سلێمانی، مەنداوە لە هەولێر و باکرمان لە دهۆک.