‎وەزارەتی تەندروستی هاووڵاتییان لە نرخ و كوالێتی دەرمان ئاگادار دەكاتەوە

ئاڤا نیوز

وەزارەتی تەندروستیی حکومەتی هەرێمی کوردستان ڕایدەگەیێنێت، دەرمان و پێداویستیی پزیشکی بەبێ کوالێتی کۆنترۆڵ بە دەرمانی نایاسایی و قاچاخ دادەنرێت، ڕێگەیەكی نوێش بۆ پشكنینی كوالێتی و نرخی دەرمان دادەنێت.

هۆکارە زانراوەکان: وەزارەتی تەندروستی ئاگادارییەکی بڵاو کردووەتەوە و تێیدا داوای لە هاونیشتمانییان کردووە، خۆیان لە دەرمان و پێداویستیی پزیشکیی 'بێستیکەری کوالێتیی کۆنتڕۆڵ' بەدوور بگرن و نەیکڕن.

لە لایەکی دیکەوە: وەزارەتی تەندروستی داوا لە هاووڵاتییان دەکات، ئەگەر دەرمان و پێداویستی بێستیکەری کوالێتیی کۆنتڕۆڵیان بینی، تیمی چاودێری ئاگادار بکەنەوە یان پەیوەندی بە هێڵی گەرمەوە بکەن.

گۆشەیەکی دیکە: کۆگا و کۆمپانیا و دەرمانخانەکان ئاگادار دەکرێنەوە، لە هەر شوێنێک دەرمان و پێداویستی بێستیکەر هەبێت، وەک تاوان مامەڵەی لەگەڵدا دەکرێت و خاوەنەکەی سزا دەدرێت.

بۆچی گرنگە: ئەم ڕێگەیە هۆكارێكە بۆ كەمكردنەوەی دەرمانی قاچاخ و زیاتر پاراستنی تەندروستیی هاووڵاتییان.