پەرلەمانتارێکی عەسائیبی ئەهلی حەق بێڕێزی بە خەلیفەکانی ڕاشیدین دەکات

ئاڤا نیوز

 

ئەندامێکی فراکسیۆنی سادیقونی سەر بە عەسائیبی ئەهلی حەق لە پەرلەمانی عێراق، هێرش دەکاتە سەر سێ لە خەلیفەکانی ڕاشیدین (ئەبوبەکری سدیق، عومەری کوڕی خەتاب، عوسمانی کوڕی عەففان) هەروەها خەلیفەی ئومەوییەکان معاویەی کوڕی ئەبی سوفیان، ئەمەش کاردانەوەی لێدەکەوێتەوە. 

 

کاریگەری و لێکەوتەکانی: حەیدەر موللا، ئەندامی پێشووی پەرلەمانی عێراق سکاڵای یاسایی لەسەر عەلی تورکی پەرلەمانتاری عەسائیبی ئەهلی حەق تۆمار دەکات، لە سکاڵاکەدا هاتووە، عەلی تورکی لە چاوپێکەوتنێکی تەلەڤزیۆنیدا گوتوویەتی: لەعنەتی خوا لە یەکەم، دووەم، سێیەم و چوارەم.

 

لێدوانی فەرمی: عەلی تورکی دەبێت بەپێی یاسای سزادانی عێراقی ژمارە 111ـی ساڵی 1969 سزابدرێت، بەو پێیەی، خولەفاکانی ڕاشیدین سیمبوولی هەموو موسڵمانانن نەک تەنیا پێکهاتەیەک یان مەزهەبێکی دیاریکراو.
حەیدەر موللا، ئەندامی پێشووی پەرلەمانی عێراق وای گوت

 

زیانە سەرەکییەکان: ڕەفتار و قسەکانی پەرلەمانتارەکەی عەسائیبی ئەهلی حەق، "هەڕەشەیە لەسەر ئاشتیی کۆمەڵایەتی و کۆمەڵگە دەگەڕێنێتەوە بۆ چوارگۆشەی تایفی".