دادگەی کەرخ بڕیاری لە سێدارەدان بۆ بازرگانێکی بیانی دەردەکات

ئاڤا نیوز

 

دادگەی تاوانەکانی کەرخ بڕیاری لەسێدارەدان بۆ بازرگانێکی ماددەی هۆشبەر دەردەکات کە هەڵگری وڵاتینامەی بیانییە.

 

ڕاگەیێنراوی فەرمی: ئەنجوومەنی باڵای دادوەریی عێراق ڕایگەیاند: "دادگەی تاوانەکانی کەرخ دووشەممە 13-5-2024، بڕیاری لەسێدارەدانی بۆ ئەو بازرگانە دەرکردووە، کە تاوانبار بووە بە هێنانی تریاک بۆ نێو عێڕاق و بازرگانی پێوەکردووە".

 

ئەمەش بزانە: لە ماوەی دوو ڕۆژی ڕابردوو، دەزگای هەواڵگریی نیشتمانیی عێراق دەستگیرکردنی دوو تۆڕی نێودەوڵەتیی ڕاگەیاند، کە لە 40 کەس پێکهاتبوون و تاوانباربوون بە تاوانی ڕفاندن، هەڕەشە، ساختەکاری، بازرگانی بە مرۆڤ و ماددە هۆشبەرەکان، دەستگیراوەکانیش هەڵگری وڵاتینامەی بیانی بوونە".

 

باکگراوند: لە سەرەتای ئەمساڵەوە لە عێراق، دەستبەسەر زیاتر لە 12 تۆن ماددەی هۆشبەر و کارتێکەرە دەروونییەکاندا گیراوە.