لە دەربەندیخان دوو کەس لەسەر ڕاوەماسی دەستگیر کران

ئاڤا نیوز

 

لەلایەن هێزە ئەمنییەکانەوە، دوو کەس لە دەریاچەی دەربەندیخان دەستگیر کران و دەست بەسەر بەلەم و تۆڕی ماسیگرتنەکەیاندا گیرا.

 

بۆچی گرنگە: لە 05-03-2024 تاوەکو 15-06-2024، لە تەواوی ناوچەکانی هەرێمی کوردستان، ڕاوکردنی ماسی قەدەغەیە. ئەو ماوە دیاریکراوە کاتی دانانی گەرای ماسی و ماوەی زیادبوونی سامانی ماسییە، بۆیە ڕاوکردن قەدەغەکراوە.

 

ڕاگەیێنراوی فەرمی: قایمقامییەتی قەزای دەربەندیخان لە ڕاگەیێنراوێکدا دەڵێت، دوو تۆمەتبار لە دەریاچەی دەربەندیخان کە لەڕێی بەلەمەێکەوە خەریکی ڕاوەماسی بوون، ئامادەنەبوون  خۆیان ڕادەست بکەن و گرژی و ئاڵۆزی دروستبوو.

 

زانیاری زیاتر: دوای گەیشتنی مەفرەزەیەکی پۆلیس و ئاسایش توانرا دوو تۆمەتبارەکە دەستگیر بکرێن، دەستبەسەر تۆڕێکی گەورەی ڕاوکردنی ماسی، بەلەمێک، ماتۆڕێک و تەنکییەکی بەنزیندا بگرن.