دەست بە کارەکانی پڕۆژەی پردی تووەقوت لە هەڵەبجە دەکرێت

ئاڤا نیوز

 

پارێزگاری هەڵەبجە ڕایگەیاند، پڕۆژەی دروستکردنی پردی تووەقوت لە هەڵەبجە چووە واری جێبەجێکردنەەوە و لە ناوەڕاستی مانگی ئایاری 2026 تەواو دەکرێت.

 

بۆچی گرنگە: پڕۆژەی پردی تووەقوت یەکێکە لەو پڕۆژانەی کە سەرۆکوەزیران بارزانی لەمیانی سەردانەکەیدا لە مانگی شوباتی ئەمساڵ بۆ هەڵەبجە بەردی بناغەی دانا، پڕۆژەکە بۆ ئاسانکاریی بازرگانی و جووڵەی ئابووری ڕۆڵێکی گرنگ دەبینێت.

 

لێدوانی فەرمی: ئازاد حەمەئەمین، پارێزگاری هەڵەبجە لە کۆنگرەیەکی ڕۆژنامەوانیدا ڕایگەیاند: ڕێگە و پردی تووەقوت بە درێژایی 27 کیلۆمەترە، لە بازگەی هەڵەبجەوە دەستپێدەکات بۆ سەر شەقامی میرەدێ، یەکەمجارە بودجە بۆ ئەم پرۆژەیە تەرخان دەکرێت. 

 

ئەوەی پێویستە بیزانیت: تێچووی پرۆژەکە زیاتر لە 31 ملیار دینارە و لەلایەن دوو کۆمپانیای ناوخۆییەوە جێبەجێ دەکرێت.