جووتیارانی کورد لە کەرکووک دەست بە دروێنە دەكەنەوە

ئاڤا نیوز

 

عەرەبە هاوردەكان لە سنوری پەڵكانە خێوەتەكانیان هەڵگرت، ڕێگەش درا بە جووتیارانی كورد دەست بە دروێنە بكەن.

چیرۆکی سەرەکی: دوای ئەوەی چەند ڕۆژێك لەمەوبەر لە کەرکووک عەرەبە هاوردەکان خێوەتیان لەسەر زەوی جووتیارە کوردەکان هەڵدا، بۆ ئەوەی نەتوانن لە دەغڵ و دانەكانیان دروێنە بكەن. خێوەتەكانیان هەڵگرتەوە و جوتیارەكانیش دەتوانن زەویەكانیان بكێڵن.

ئەوەی پێویستە بیزانیت: ئێوارەی ڕۆژی چوار شەممە لیژنەیەك پێكهێنرا بۆ ئەوەی كێشەی جووتیارانی كورد چارەسەر بكات و لیژنەكە نوێنەری پەڕلەمان و پارێزگای كەركووكی تێدابوو.

لێدوانی فەرمی: محەممەد ئەمین، نوێنەری جووتیارانی کورد بە ئاڤا نیوزی گوت: ڕێككەوتووین لەسەر ئەوەی كە جووتیارانی كورد دەتوانن دەغڵەكانیان دروێنە بكەن  دوای ئەوە تا شەش مانگ بۆیان نییە بچنەوە سەر زەوییەكان و بەرهەمەكانیان بچێنن".

وێنە گەورەكە: لە دوای 16ـی ئۆکتۆبەری ساڵی 2017 ەوە، لەسنووری سەرگەڕان و بەتایبەت گوندی پەڵکانە زۆرترین جار لەلایەن سوپای عێراقەوە ڕێگری لە جووتیاران دەکرێت لە دروێنەی زەوییەکانیان، چەند جارێکیش هێرش کراوەتە سەر هاونیشتمانیانی گوندەکە.