شاخەوان عەبدوڵا: كێشەی جووتیارانی كورد چارەسەركراوە

ئاڤا نیوز

ئەمڕۆ شاندێكی پەرلەمانی عێراق سەردانی جووتیارانی پەڵكانە و خێمەی عەرەبە هاوردەكانیان لە کەرکووک كرد، جێگری سەرۆكی پەرلەمانی عێراق دەڵێت "كێشەی جووتیارەكان چارەسەر كراوە".

وێنە گەورەكە: لە سەرەتای پێگەیشتنی بەرهەمی جووتیارانی كورد لە سنوری پەڵكانە و دەوروبەری، عەرەبە هاوردەكان خێمەیان لە ناو زەوییەكان هەڵدا و ڕێگرییان كرد لە وەی جووتیارانی كورد بەرهەمەكانیان دروێنە بكەن.

لێدوانی فەرمی: شاخەوان عەبدوڵا، جێگری سەرۆكی پەرلەمانی عێراق بە ئاڤا نیوزی ڕاگەیاند: ئەمڕۆ سەردانی جووتیارانی پەلكانەمان كرد و سەردانی خێمەی عەرەبە هاوردەكانیشمان كرد، بەڵێنیان داوە خێمەكانیان هەڵبگرن و كێشەكە چارەسەر بووە و جووتیارانی كورد دەتوانن بەرهەمەكانیان  دروێنە بكەن.

زانیاریی زیاتر: ئەم لیژنەیەی ئەمڕۆ سەردانی خێمەكانی كردووە، تەنها پەیوەستە بە بەرهەمی جووتیارانی كورد و لیژنەیەكی دیكە دروست دەكرێت بۆ خانووەكان. شاخەوان عەبدوڵا وای گوت.