چوارچێوەی هەماهەنگی بۆ پەرلەمانتاران: بەشداریتان لە دانیشتنی سبەی گرنگە

ئاڤا نیوز

 

پێش دانیشتنەکەی ڕۆژی شەممەی پەرلەمانی عێراق بۆ هەڵبژاردنی سەرۆکێکی نوێ، چوارچێوەی هەماهەنگی کۆبوونەوەیەکی بەپەلەی کرد و داوای لە ئەندامانی پەرلەمان کردووە، بەشداریی دانیشتنەکە بکەن.

 

چیرۆکی سەرەکی: شەوی ڕابردوو، سەرکردەکانی چوارچێوەی هەماهەنگی کۆبوونەوەیەکی بەپەلەیان کردووە بە مەبەستی یەکلاکردنەوەی هەڵبژاردنی سەرۆکی نوێ بۆ ئەنجوومەنی نوێنەران.

 

وێنە گەورەکە: بڕیارە ڕۆژی شەممە 18-05-2024، ئەنجوومەنی نوێنەرانی عێراق بۆ هەڵبژاردنی سەرۆکی ئەنجوومەنەکە کۆببێتەوە، هەریەک لە مەحموود مەشهەدانی و سالم عیساوی، بەربژێرن بۆ وەرگرتنی ئەم پۆستە.

 

ڕاگەیێنراوی فەرمی: چوارچێوەی هەماهەنگی لە کۆبوونەوەکە جەختی لەسەر "گرنگیی بەڕێوەچوونی دانیشتنی ئەنجوومەنی نوێنەران لە شەممەی ئایندە و هەڵبژاردنی سەرۆکی نوێی ئەنجوومەنی نوێنەران" کردووەتەوە.

 

زانیاریی زیاتر: لە کۆبوونەوەکەدا چوارچێوەی هەماهەنگی داوای لە ئەندامانی پەرلەمان کردووە "بەرپرسیاریەتیی خۆیان لەئەستۆ بگرن و بە شێوەیەکی بەرفراوان ئامادەبن بۆ چارەسەرکردنی ئەم شایستە نیشتمانییە گرنگە".