لە زۆرینەی پارێزگاکانی عێراق نوێژی بەکۆمەڵ بۆ یادکردنەوەى ڕۆژى غەدیر دەکرێت

ئاڤا نیوز

 

بە مەبەستی بەرزڕاگرتنی ڕۆژی غەدیر، لەسەر داواى ڕەوتى نیشتمانیی شیعە، داوا کراوە ئەمڕۆ هەینی نوێژی بەکۆمەڵ لە سەرجەم پارێزگاکانی عێراق بکرێت.

 

بۆچی گرنگە؟ ڕۆژی 18ـی زیلحجە کە بە ڕۆژی "غەدیر" ناسراوە، لای شیعە مەزهەبەکان بە ڕۆژێکی پیرۆز دادەنرێت، گوایە لەم ڕۆژە لە ساڵی 10ـی کۆچی، پەیامبەری ئیسلام ئیمامی عەلی وەکو شوێنگرەوەی خۆی داناوە.

 

ڕاگەیێنراوی فەرمی: ڕەوتی نیشتمانیی شیعە، نووسینگەی ڕاگەیاندنی "شەهید سەدر" لە ڕاگەیێنراوێکدا کە ئاراستەی سەرجەم باوەڕدارانی کردووە، داوا دەکات: "ڕۆژی هەینی نوێژی بە کۆمەڵ لە سەرجەم پارێزگاکان بکرێت".

 

زانیاریی زیاتر: لە ڕاگەیێنراوەکەدا هەشت ڕاسپاردە دراوەتە نوێژخوێنان، لەوانە: دەبێت نوێژخوێنان ئاڵاى ڕۆژى غەدیر بەرز بکەنەوە، ئەگەر کرا بەرماڵ، بەردەگڵ و چەتر لەگەڵ خۆیان ببەن، تاوەکو دەتوانن زوو ئامادە بن بۆ ئەوەى قەرەباڵغى دروست نەبێت، ئامادەبوونى ژن و منداڵ زۆر گرنگە.

 

ئەمەش بزانە: لەسەر داوای موقتەدا سەدر داواکراوە بە فەرمی لە پەرلەمان، ڕۆژى غەدیر لە چوارچێوەی پڕۆژەیاساى پشووە فەرمییەکانى عێراقدا بکرێتە پشووى فەرمى، کە بڕیارە لە دانیشتنی ڕۆژی شەممە 18ی ئەم مانگە لە پەرلەمان خوێندنەوەى دووەمى بۆ بکرێت.