هەردوو بەربژێری سەرۆکایەتیی پەرلەمان پەیامێک بڵاو دەکەنەوە

ئاڤا نیوز 

یەک ڕۆژ پێش دەستپێکردنی کۆبوونەوەی پەرلەمان بۆ هەڵبژاردنی سەرۆکەکەی، مەحموود مەشهەدانی و سالم عیساوی کە هەردووکیان کێبڕکێی یەکتری دەکەن بە جیا پەیامیان بڵاو کردەوە.

وێنە گەورەکە: دوای درێژکردنەوەی ماوەی خولی یاسادانان بۆ ماوەی مانگێک، بڕیارە سبەینێ ڕۆژی شەممە، پەرلەمانی عێراق بۆ هەڵبژاردنی سەرۆکەکەی کۆببێتەوە.

ڕاگەیێنراوی فەرمی: "بەڵێن دەدەم کە پارێزگاری لە یەکێتی خاکی و خەڵکی عێراق بکەم، سەرۆکایەتیی پەرلەمان دەگەڕێنمەوە سەر ڕێگەی ڕاست". سالم عیساوی وای گوت.

لە لایەكی دیكەوە: مەحموود مەشهەدانی ڕایگەیاند: "تاکە پێوەر کە کاری بۆ دەکەم لە سەرۆکایەتیی پەرلەمان بەرژەوەندیی دەوڵەتی عێراقە و بەڵێن بە گەلی عێراق دەدەم کە ڕۆڵی چاودێری پەرلەمان کارا بکەمەوە ".

ئەوەی پێویستە بیزانیت: هاوپەیمانی تەقەدووم بە فەرمی پشتیوانی خۆی بۆ مەحموود مەشهەدانی ڕاگەیاندووە، سێ لایەنە سوننەکەی دیکەش پشتیوانیی لە سالم عیساوی دەکەن.