پەرلەمانی عێراق دەنگ لەسەر درێژکردنەوەی وەرزی یاسادانان دەدات

ئاڤا نیوز 

 

لە دانیشتنی ئەمڕۆی ئەنجوومەنی نوێنەرانی عێراق، دەنگ لەسەر درێژکردنەوەی وەرزی یەکەمی یاسادانانی بۆ ماوە 30 ڕۆژ درا.

بۆچی گرنگە: بە مەبەستی یەکلاکردنەوەی چەند پرسێکی گرنگ، لەوانە ناردنی خشتەی بودجە لەلایەن حکومەتەوە بۆ پەرلەمان و پرسی هەڵبژاردنی سەرۆکێک بۆ پەرلەمان و درێژکردنەوەی تەمەنی ئەنجوومەنی کۆمیسیاران، پەرلەمان وەرزی یاسادانانی درێژکردەوە.

وێنە گەورەکە: نۆی ئایار دوایین ڕۆژی خولی دووەمی یاسادانانی پەرلەمانی عێراق بوو، هەمان ڕۆژ لە دانیشتنی پەرلەمان، سەرۆکایەتی پەرلەمان بە پشتبەستن بە مادد 58ی دەستوور بڕیاردرا ماوەی مانگێک خولی یاسادانان درێژ بکاتەوە.

ڕاگەیێنراوی فەرمی: نووسینگەی ئەنجوومەنی نوێنەرانی عێراق ڕایگەیاند: لە سەرەتای دانیشتنەکەدا ئەنجوومەن  دەنگیدا لەسەر درێژکردنەوەی ماوەی یاسادانان بۆ ماوەی 30 ڕۆژ، ئەمەش وەک پشتڕاستکردنەوەیەک بۆ ئەو بڕیارەی سەرۆکایەتی ئەنجوومەن دابووی".