محەممەد موخبیر وەک سەرۆککۆماری کاربەڕێکەری ئێران دیاری کرا

ئاڤا نیوز

 

محەممەد موخبیر، جێگری یەکەمی سەرۆککۆماری ئێران، دوای مردنی ئیبراهیم ڕەئیسی وەک سەرۆککۆماری کاربەڕێکەری ئێران دیاری کرا.

 

ڕاگەیێنراوی فەرمی: ئایەتوڵڵا عەلی خامنەیی، ڕێبەری باڵای شۆڕشی ئیسلامیی ئێران بە گەڕانەوە بۆ مادەی 131ـی دەستوور، بڕیاری دەستبەکاربوونی بۆ محەممەد موخبیر، جێگری یەکەمی ئیبراهیم ڕەئیسی دەرکرد.

 

بۆچی گرنگە: بەزوویی دەستنیشانکردنی سەرۆککۆمار ناهێڵێت وڵات بکەوێتە هیچ بۆشاییەکی یاسایی و کاروباری وڵات پەکی بکەوێت.

 

چی ڕوودەدات؟  بەپێی مادەی 131ـی دەستووری ئێران، لەکاتی گیانلەدەستدان یان دوورکەوتنەوەی سەرۆککۆمار، جێگری یەکەمی ئەرکەکان لە ئەستۆ دەگرێت و دەبێت لەماوەی 50 ڕۆژدا ئامادەکاریی بۆ هەڵبژاردنی سەرۆکێکی نوێ بکرێت. عەلی خامنەییش لە ڕاگەیێنراوەکەیدا جەخت دەکاتەوە کە دوای پێنج ڕۆژ پرسە و ماتەمینی، دەستوور جێبەجێ بکرێت.