لەڕێگەی هەژماری منەوە مووچەی مانگی چوار دابەش دەکرێت

ئاڤا نیوز 

 

بڕیارە ئەمڕۆ مووچەی بەشێک لە مووچەخۆرانی هەرێمی کوردستان، بەشێوازی دیجیتاڵی لەڕێگەی هەژماری منەوە بدرێت.

 

وێنە گەورەکە: 400 هەزار مووچەخۆر لە پڕۆژەی هەژماری من تۆمارکراون و 220 هەزار کارتیش بە مووچەخۆران دراونەتەوە.

 

ڕاگەیێنراوی فەرمی:  وەزارەتی دارایی بڵاوی کردەوە، مووچەی مانگی چواری مووچەخۆران لە پارێزگای هەولێر بەشێوازی دیجیتاڵی لەڕێگەی هەژماری منەوە دابەش دەکرێت.

 

زانیاریی زیاتر: کۆی گشتی ئەو مووچەخۆرانەی لەم مانگە مووچەکانیان بەشێوەی دیجیتاڵی وەردەگرن، نزیکەی 25 هەزار کەسن و کار لەسەر ئەوە دەکرێت، بۆ مانگی داهاتوو ژمارەکە بە دوو هێندە بکرێت.

 

ئەوەی پێویستە بیزانیت: بەشێک لە بەڕێوەبەرایەتیی وەزارەتەکانی تەندروستی، شارەوانی و کارەبا بەشێوەی دیجیتاڵی مووچەی ئەم مانگەیان وەرگرتووە، بڕیارە ئەمڕۆ دووشەممە لەڕێگەی هەژماری منەوە بەڕێوەبەرایەتیی ئاوەدانکردنەوەی هەولێر، سەرۆکایەتیی زانکۆی سەڵاحەددین و ژمارەیەک لە کۆلێژەکانی مووچەکانیان دابەش بکرێت.