عێراق ڕۆژێک ماتەمینی گشتی ڕاگەیاند

ئاڤا نیوز 

 

عێراق سبەی سێشەممەی وەک ماتەمینی گشتی بۆ گیانلەدەستدانی ئیبراهیم ڕەئیسی، سەرۆککۆماری ئێران ڕاگەیاند. 

 

ڕاگەیێنراوی فەرمی: باسم عەوادی، گوتەبێژی حکومەتی عێراق ڕایگەیاند، "بۆ وەستان لەگەڵ گەل و سەرکردایەتیی ئێران و دەربڕینی هاوخەمیی خۆمان لەم کاتە سەختەدا، بەهۆی لەدەستدانی ئیبراهیم رەئیسی سەرۆککۆماری ئێران و وەزیری دەرەوەی و هاوڕێکانیان، ڕۆژی سێشەممە ماتەمینی گشتییە لە سەرتاسەری وڵات".

وێنە گەورەکە: ڕۆژی یەکشەممە، ئیبراهیم رەئیسی، سەرۆکی ئێران و ئەمیر عەبدوڵڵاهیان، وەزیری دەرەوە و چەند بەرپرسێکی دیکە لە کاتی گەڕانەوەیان لە شاری ئازەربەیجانی ڕۆژئاوا بەرەو تاران بەهۆی "خراپیی کەشوهەوا" هێلیکۆپتەرەکەیان تێکشکا و سەرجەم سەرنشینەکانی گیانیان لەدەست دا.

 

ئەوەی پێویستە بیزانیت: دوای زیاتر لە 15 کاتژمێر گەڕان بەرەبەیانی ئەمڕۆ، مانگی سووری ئێرانی شوێنەکەی سەرۆککۆمار و بەرپرسە ئێرانییەکانی ڕاگەیاند.