دادگەی فیدراڵی بڕیارەکەی دەستەی دادوەریی کۆمیسیۆنی پەسەند کرد

ئاڤا نیوز

 

وێنە گەورەکە: ڕۆژی سێشەممە 21-05-2024 دەستەی دادوەریی کۆمیسیۆن بڕیاری دا بە گەڕاندنەوەی کورسیی پێکهاتەکان، بەشێوەیەک لە کۆی 100 کورسیی پەرلەمانی کوردستان پێنج کورسی بۆ پێکهاتەکان تەرخان بکرێت.

 

لێدوانی فەرمی: ئەیاد کاکەیی، پارێزەری سەرۆکوەزیران بارزانی بە ئاڤا نیوزی ڕاگەیاند: دادگە لەبارەی سکاڵاکەی سەرۆکوەزیران بارزانی ڕایگەیاند، بڕیارەکەی دەستەی دادوەریی  کۆمیسیۆن هەڵبژاردنەکانی عێراق وەک خۆی پەسەند دەکەن، کە سکاڵایەکەش هەمان داواکاری بوو.

 

ئەوەی پێویستە بیزانیت: لە سکاڵاکەی سەرۆکوەزیران بارزانیدا داوای کردبوو مافی پێکهاتەکان گرەنتی بکرێت.

 

گۆشەیەکی دیکەی دیمەنەکە: 100 کورسیی پەرلەمانی کوردستان بەسەر چوار بازنەدا دابەش کراوە، بەمشێوەیە؛ 34 کورسی بۆ هەولێر، 38 کورسی بۆ سلێمانی،  25 کورسی بۆ دهۆک و سێ کورسیش بۆ هەڵەبجە.