بڕێکی زیاتری گەنم بەراورد بە ساڵی ڕابردوو لە جووتیاران وەردەگیرێت

ئاڤا نیوز

 

هەولێر و بەغدا نزیکن لە ڕێککەوتن لەسەر ئەو بڕە گەنمەی لە جووتیارانی هەرێمی کوردستان وەردەگیرێت، سەرۆکوەزیران بارزانی لەسەر هێڵە بۆ ئەوەی مافی جووتیارانی هەرێمی کوردستان نەفەوتێت. 

 

وێنە گەورەکە: شاندی هەرێمی کوردستان دوو ڕۆژە بۆ کۆبوونەوەی لیژنەی 57 لە بەغدان. ساڵی ڕابردوو 500 هەزار تۆن گەنمی جووتیاران وەرگیرا و ئەمساڵ داوای وەرگرتنی بڕێکی زیاتر دەکرێت.

 

لێدوانی فەرمی: د. زیدا محەممەد، بەڕێوەبەری گشتیی پلاندانان و بەدواداچوون لە وەزارەتی کشتوکاڵی هەرێمی کوردستان بە ئاڤا نیوزی گوت: "سەرۆکوەزیران بارزانی لەسەر هێڵە و داواکراوە بڕێکی زیاتری گەنمی جووتیاران وەربگیرێت و بۆ ئەو مەبەستە چاوەڕێی وەڵامی بەغداین."

 

 

ئەوەی پێشبینی دەکرێت: چاوەڕواندەکرێت بەرهەمی گەنمی ئەمساڵی جووتیاران سەرووی یەک ملیۆن تۆن بێت، 10 سایلۆ و دوو کۆگا تەرخانکراون و توانای کۆگاکردنی نزیکەی 700 هەزار تۆن گەنمیان هەیە.