پاركی ڕەشكین بە ڕووبەری 120  هەزار مەتر لە هەولێر دروست دەكرێت

ئاڤا نیوز

بە سەرپەرشتی وەزیری شارەوانی و گەشتوگوزاری حكومەتی هەرێمی كوردستان، بەردی بناغەی پاركی ڕەشكین لە هەولێر دانرا كە ڕووبەرەكەی 120 هەزار مەترە و تێچووەكەی 15 ملیار دینارە.

وێنە گەورەكە: لەسەرەتای كابینەی نۆیەمەوە، سەرۆكوەزیران بارزانی، بەردەوام جەختی لەسەر بەرزكردنەوەی ئاستی سەوزایی لە هەرێمی كوردستان کردووەتەوە و بۆ ئەمەش وەزارەتی شارەوانی و گەشتوگوزار چەندین پرۆژەی جۆراوجۆری جێبەجێ كردووە.

لێدوانی فەرمی: ساسان عەونی، وەزیری شارەوانی و گەشتوگوزاری حكومەتی هەرێمی كوردستان لە كۆنگرەیەكی ڕۆژنامەوانیدا ڕایگەیاند: پێشتر بەڵێنی ئەوەمان دابوو، ئێرە دەبێتە پاركێكی نموونەیی بەناوی پاركی ڕەشكین،كە ڕووبەرەكەی 120 هەزار مەترە و بە تێچووی 15 ملیار دینار، بە دوو قۆناغ تەواو دەبێت.

زانیاریی زیاتر: بە دوو قۆناغ جێبەجی دەكرێت، لە قۆناغی یەكەمدا بە تێچووی شەش ملیار و 800 ملیۆن دینار، شەش بڕگەی پرۆژەكە دروست دەكرێت.