سوودانی هاوخەمیی خۆی دەگەیێنێتە خامنەیی

ئاڤا نیوز

سەرۆکوەزیرانی عێراق بە یاوەری چەند بەرپرسێکی عێراقی بۆ سەرەخۆشیکردن لە گیانلەدەستدانی سەرۆککۆماری ئێران سەردانی ڕابەری باڵای ئێران دەکات.

 

ئەوەی ئێستا ڕوودەدات: پێشنیوەڕۆی ڕۆژی چوارشەممە 22-05-2024 محەممەد شیاع سوودانی، سەرۆکوەزیرانی عێراق بە یاوەری سەرۆکی دادگەی باڵای فیدراڵی و چەند بەرپرسێکی دیکە بۆ بەشداری لە بەڕێکردنی تەرمی ئیبراهیم ڕەئیسی، سەرۆککۆماری ئێران سەردانی تارانیان کرد. 

 

ڕاگەیێنراوی فەرمی: محەمەد شیاع سوودانی، سەرۆکوەزیرانی عێراق بە یاوەری شاندێک لە تاران چاوی بە عەلی خامنەیی، ڕابەری باڵای کۆماری ئیسلامیی ئێران کەوت و سەرەخۆشیی خۆی لە مردنی سەرۆککۆمار و یاوەرانی پێ ڕاگەیاند.

لە ڕاگەیێنراوی سەرۆکوەزیرانی عێراق هاتووە

 

زانیاریی زیاتر: هەر ئەمڕۆ چوارشەممە لە تاران بە ئامادەبوونی بەرپرسانی ناوخۆیی و میوانانی بیانی ڕێورەسمی بەڕێکردنی تەرمی سەرۆککۆمار بەڕێوە دەچێت و پاشان سبەی پێنجشەممە تەرمەکەی دەبرێتە مەشهەد و لەوێ بەخاک دەسپێردرێت.