ئەپیکۆر ڕەتیدەکاتەوە گرێبەستەکانیان لەگەڵ هەرێمی کوردستان هەمواربکەنەوە

ئاڤا نیوز 

كۆمپانیاكان ئامادەن بۆ دەستپێكردنەوەی هەناردەی نەوتی هەرێمی كوردستان، لەکاتێکدا حکومەتی عێراق هەوڵدەدات گرێبەستی ئەو کۆمپانیایانە هەمواربکاتەوە.

وێنە گەورەكە: لە مانگی ئاداری 2023ەوە هەناردەی نەوتی هەرێمی کوردستان بە بڕیارێکی دادگەی نێوبژیوانی پاریس لەسەر سکاڵایەکی حکومەتی عێراق ڕاگیراوە، تائێستا زیانی زیاتر لە 12 ملیار دۆلاری بە عێراق گەیاندووە.

لێدوانی فەرمی:مایڵز کاگینز، گوتەبێژی کۆمەڵەی پیشەسازیی نەوتی هەرێمی کوردستان 'ئەپیكۆر' بە ئاڤا نیوزی گوت: کۆمپانیاکانی وەبەرهێنەری نەوت لە هەرێمی کوردستان، ڕەتیدەکەنەوە گرێبەستەکانیان لەگەڵ حکومەتی هەرێمی کوردستان هەموار بکەنەوە، ئەو کارەشیان هەوڵەکانی دەستپێکردنەوەی هەناردەکردنی نەوت پەک دەخات.

زانیاریی زیاتر: کۆمپانیاکانی بەرهەمهێنەری نەوت لە هەرێمی کوردستان (ئەپیکۆر) ئامادەن دەستبکەنەوە بە هەناردەکردنی نەوت بەو مەرجانەی ئێستا بەردەستن، بەڵام حکومەتی عێراق دەیەوێت گرێبەستی ئەو کۆمپانیانە هەموار بکاتەوە.