وڵاتانی عەرەبی پێشوازیی لە دداننان بە سەربەخۆیی فەلەستین دەکەن

ئاڤا نیوز

 

دوای ئەوەی هەریەکە لە ئیسپانیا، ئێرلەندا و نەرویج، بڕیاریاندا ددان بە سەربەخۆیی فەلەستنیدا بنێن، ژمارەیەک لە وڵاتانی عەرەبی پێشوازیی لەو هەنگاو دەکەن.

 

وێنە گەورەکە: هەریەک لە سعودیە، میسر، قەتەر و ئیمارات ددانپێدانانەکەیان بە "بڕیارێکی ئەرێنی" وەسف کردووە بە ئاراستەی گەیشتنی فەلەستینییەکان بە مافی چاری خۆنووسین. 

 

بۆچی گرنگە؟ دداننان بە سەربەخۆیی فەلەستین لەلایەن سێ دەوڵەتی ئەوروپییەوە هاندەر دەبێت بۆ دەوڵەتانی دیکە تا هەنگاوی هاوشێوە هەڵبگرن. 

 

ئەوەی پێویستە بیزانیت: لە کۆی 193 دەوڵەتی سەربەخۆی ئەندامی نەتەوە یەکگرتووەکان، 142 دەوڵەتیان ددانیان بە سەربەخۆیی دەوڵەتی فەلەستیندا ناوە.

 

باکگراوند: لەسەر ئاستی نێودەوڵەتی، چارەسەری "دوودەوڵەت" وەک چارەسەرێکی بنەڕەتی بۆ کۆتاییهێنان بە کێشەی نێوان ئیسرائیل و فەلەستین سەیر دەکرێت.