16 ملیار دینار بۆ کڕینی دەرمان و پێداویستیی پزیشکی زیاد دەکرێت

ئاڤا نیوز

 

لەنێو خەرجیی حاکیمە پشکی هەرێمی کوردستان 16 ملیار دینار بەراورد بە بودجەی ساڵی 2023 زیاد کراوە.

 

وێنە گەورەکە: خشتەی بودجەی 2024 لەبەر دەستی لیژنەی دارایی ئەنجوومەنی نوێنەرانی عێراقە و وردبینی بۆ دەکرێت، پشکی هەرێمی کوردستان لە هەموو خەرجییەکان زیاد کراوە.

 

زانیاریی بەدەستهاتوو: لە خشتەی بودجەی 2024 بڕی 210 ملیار و 444 ملیۆن دینار لەسەر خەرجیی حاکیمە بۆ کڕینی دەرمان و پێداویستیی پزیشکی هەرێمی کوردستان تەرخان کراوە.

 

لێدوانی فەرمی: سامان بەرزنجی، وەزیری تەندروستیی هەرێمی کوردستان ڕایگەیاند، "لە 2023 نزیکەی 194 ملیار دینار بۆ دەرمان و پێداویستی لەسەر خەرجیی حاکیمە بۆ هەرێمی کوردستان تەرخانکرا و داواکراوە بەشی هەرێمی کوردستان لە ئامێری پزیشکی بخرێتە نێو خەرجیی حاکمیە لە هەمواری پڕۆژەیاسای بودجە".