بازگەی پردێ ڕادەستی پۆلیسی کەرکووک کرا

ئاڤا نیوز

بازگەی پردێ و چەند بازگەیەکی دیکەی کەرکووک ڕادەستی پۆلیسی کەرکوک کران، بازگەکانی دیکەش ڕادەستی پۆلیس دەکرێن.

وێنە گەورەکە: لەدوای ڕووداوەکانی  16ی ئۆکتۆبەری 2017 ەوە، سەرجەم بازگەکان و دۆسییەی ئەمنی کەرکووک بەدەست سوپای عێراقەوە بوو، دواتر بە فەرمانی سەرۆکوەزیرانی عێراق بڕیاردرا دۆسییەی ئەمنی پارێزگاکە و سەرجەم بازگەکان بدرێنە دەست پۆلیس.

لێدوانی فەرمی: عامر نوری، گوتەبێژی پۆلیسی کەرکوک بەئاڤا نیوزی گوت:"بازگەی پردێ و بازگەی دەرووازەی کەرکوک ڕادەستی پۆلیسکراون و بازگەکانی دیکەش ڕادەستی پۆلیس دەکرێت و دۆسییەی ئەمنی شارەکەش بەتەواوەتی ڕادەستی ئێمە دەکرێت”.

زانیاریی زیاتر: لە سنووری پارێزگای کەرکوک هەشت بازگە هەیە و تەنیا چوار بازگەیان ڕادەستی پۆلیسی کەرکووک کراون.