ئۆپۆزسیۆنی ئیسرائیل داوای دانوستان لەگەڵ حەماس دەكات

ئاڤا نیوز

دوای دۆزینەوەی تەرمی سێ بارمتەی ئیسرائیلی لە غەززە، ئۆپۆزسیۆنی ئەو وڵاتە تووڕەیە و داوای ئازادكردنی بارمتەكانی دیكە دەكات، تەنانەت ئەگەر بە گفتوگۆکردن لەگەڵ حەماسیش بێت.

وێنە گەورەکە: ڕۆژی پێنجشەممە حكومەتی ئیسرائیل ڕایگەیاند، تەرمی سێ بارمتەی دیکە، لە ناوچەی جەبالیا دۆزراونەتەوە و گەڕێنراونەتەوە بۆ خاكی وڵاتەكەیان و ئۆپۆزسیۆنیش نیگەرانە و داوای ئازادكردنی بارمتەكانی دیكە دەكات.

ڕاگەیێنراوی فەرمی: یائیر لابید، سەرکردەی ئۆپۆزسیۆنی ئیسرائیل ڕایگەیاند: "پێویستە حكومەتی ئیسرائیل پەلە بكات لە گەڕاندنەوەی دیلەكان ڕۆژ دوای ڕۆژ دەرفەتی ئازادكردنیان كەمتر دەبێت و پێویستە حکومەت هەموو شتێک بکات لەپێناو ئازادکردنیان تەنانەت ئەگەر لە ڕێگەی دانوستاندن و ڕێککەوتنیش بێت".

ئەوەی پێویستە بیزانیت: 125 بارمتەی ئیسرائیلی هێشتا لە دەستی حەماسدان لەكۆی 252 بارمتە لەوكاتەوەی كە شەڕی ئیسرائیل و حەماس لە حەوتی ئۆكتۆبەری ساڵی ڕابردووەوە دەستی پێ كردووە.