بریندارێکی ئاگرەکەی کارگەی غازی گوندی مورتکە گیانی لەدەست دا

ئاڤا نیوز 

 

یەکێک لە بریندارەکانی ئاگری کارگەی غازی نەورۆز گیانی لەدەست دا، ڕەوشی تەندروستی دوو بریندارەکەی دیکەش ناجێگیرە.

چیرۆکی سەرەکی: ئێوارەی ڕۆژی پێنجشەممە، 23-05-2024 ئاگر لە کێڵگەی غازی نەورۆز لە گوندی مورتکە سنووری هەولێر کەوتەوە، بووە هۆی زەرەرێکی زۆری ماددی و سێ کەسیش بریندار بوون.

لێدوانی فەرمی: کەمال عەبدوڵا، خاوەنی کارگەی غازی نەورۆز بە ئاڤا نیوزی گوت: "بەداخەوە بەیانی ئەمڕۆ سیامەند مەجید بەهۆی سەختی برینەکەیەوە گیانی لەدەست دا، ڕەوشی دوو بریندارەکەی دیکەیش ناجێگیرە".

زانیاریی زیاتر: سیامەند مەجید، شۆفێری ئۆتۆمۆبیلی باركردنی غازی شل بووە لە چەند شەوی ڕابردوو لە کاتی هەوڵدان بۆ کوژاندنەوەی ئاگری کارگەکە، بریندار بوو.