لە عێراق نرخی ماسی 300٪ زیادیكردووە

ئاڤا نیوز

لەپارێزگاكانی ناوەڕاست و باشووری عێراق، نرخی ماسی زیندوو بەڕێژەی 300٪ زیادیكردووە.

ئەوەی پێویستە بیزانیت: ساڵی ڕابردوو ئەم كاتە نرخی كیلۆیەك ماسی لەنێوان سێ بۆ شەش هەزار دینار بوو، ئێستا نرخی كیلۆیەك ماسی زیندوو 10 هەزار دینارە، نرخی كیلۆیەك ماسی برژاویش 13 هەزار دینارە.

هۆكارە زانراوەكان: هۆكاری گرانبوونی نرخی ماسی، هەڵمەتێكی وەزارەتی سەرچاوە ئاوییەكانی عێراقە دژی حەوزە زیادەڕۆكانی ماسی، ئەو حەوزانە ساڵانە ملیارێك مەتر سێجا ئاو بەفێڕۆ دەدەن.

باكگراوند: حەوزەكانی ماسی لە عێراق ڕووبەری 85 هەزار دۆنم زەوییان گرتووە، لەكاتێكدا حەوزە مۆڵەتپێدراوەكان تەنیا25 هەزار دۆنم زەوییان بۆ دابین كراوە، حەوزە زیادەڕۆكانیش 60 هەزار دۆنم زەوییان گرتووە، زۆربەی بەرهەمی ماسیش لەو حەوزە زیادەڕۆیانە بەرهەم دەهاتن و وەزارەتی سەرچاوە ئاوییەكان ڕووخاندوونی.

وێنە گەورەكە: ساڵانە هەر تاكێكی عێراقی 3.5 كیلۆ ماسی بەكاردەبات، كۆی گشتیش دەكاتە نزیكەی 150 هەزار تۆن.