دایكی حەسەن نەسروڵا كۆچی دوایی كرد

ئاڤا نیوز

 

ئێوارەی ئەمڕۆ شەممە، دایكی حەسەن نەسروڵا، ئەمینداری گشتیی حیزبوڵای لوبنان كۆچی دوایی كرد.

 

بۆچی گرنگە: حەسەن نەسروڵا یەكێكە لە كەسایەتییە سیاسییە دیارەکانی لوبنان و ڕۆژهەڵاتی ناوەڕاست، مردنی دایكی وەک ڕووداوێکی گەورە بۆ بنەماڵەكەی لێكدەدرێتەوە.

 

ئەوەی پێویستە بیزانیت: نەهدییە نەسرەدین، دایكی حەسەن نەسروڵا بەهۆی خراپیی دۆخی تەندروستییەوە لە یەكێک لە نەخۆشخانەكانی لوبنان كۆچی دوایی كرد و میدیاكانی لوبنان باس لەوە دەكەن  نەخۆشییەكەی ترسناک بووە.

ئەمەش بزانە: نەهدییە نەسرەدین  بە ئوم حەسەن ناسرابوو، خانمێكی كۆمەڵایەتی و ئایینی بوو، لە تەمەنی لاویەتیدا خوێندن و خوێندەواری فێربووە و یەكێک بووە لە ژنە شیعە ئایینییەكان.