سەرۆکی لیژنەی فەتوا: بانگدانی ئەلیکترۆنی لەکاتی پێویستدا دروستە

ئاڤا نیوز

 

سەرۆکی لیژنە باڵای فەتوای هەرێمی کوردستان دەڵێت، بانگدانی ئەلیکترۆنی بەگوێرەی جێبەجێکردنی ڕێنماییەکانی لیژنەی باڵای فەتوا دروستە.

وێنە گەورەکە: وەزارەتی ئەوقاف و کاروباری ئایینیی حکومەتی هەرێمی کوردستان، تەندەرینی بۆ پڕۆژەی بەئەلیکترۆنیکردنی بانگدان کردووە و بڕیاری داوە لە یەکشوێنەوە بانگ بدرێت و پەیوەست بکرێت بە هەموو مزگەوتەکانەوە، ئەمەش بۆچوونی جیاوازی پیاوانی ئایینی لێکەوتووەتەوە. 

لێدوانی فەرمی: د. حەسەن موفتی، سەرۆکی لیژنەی باڵای فەتوا لە هەرێمی کوردستان بە ئاڤا نیوزی گوت: "یەکێک لە مەرجەکان ئەوەیە ئەو بانگبێژە کەسێکی دیکە لە پشتی هەبێت تاوەکو ئەرکەکەی ڕاپەڕێنێت، مەرجێکی دیکە ئەوەیە لە مزگەوتدا بانگبێژێک هەبێت، نەوەک لەو ڕۆژەدا کارەبا نەبێت".

ئەوەی پێویستە بیزانیت: لیژنەی باڵای فەتوا پێنج مەرجی بۆ جێبەجێکردنی پڕۆژەی بانگدانی ئەلیکترۆنی داناوە، کە یەکێتیی زانایان و وەزارەتی ئەوقاف ئامادە نین بڵاوی بکەنەوە.