زیاتر لە یەك ملیۆن و 200  هەزار خێزان لە وەرگرتنی نەوت سوودمەند بوون

ئاڤا دیجیتاڵ

 

وەزارەتی سامانە سرووشتییەکان، دواین ئاماری دابەشکردنی نەوتی هەرێمی کوردستان و عێراقی  بەسەر پارێزگا و ئیدارە سەربەخۆکان بڵاوکردەوە، تاوەکو 31-01-2024 لە 93% خێزانەکانی هەرێمی کوردستان نەوتیان وەرگرتووە.

ئەوەی پێویستە بیزانیت: بە بڕیاری سەرۆکوەزیران بارزانی، ئەمساڵ بەر لە هاتنی وەرزی سەرما و سۆڵە ڕۆژی چوارشەممە 04-10-2024، لە ناوچە شاخاوییەکاندا دەست بە دابەشکردنی نەوت کرا، تاوەکو ڕۆژی31-01-2024، زیاتر لە 240 ملیۆن لیتر نەوتی سپی بەسەر هاووڵاتیان دابەش کراوە.

بۆچی گرنگە: زیاتر لە یەک ملیۆن و 202 هەزار خێزان سوودمەندبوون، جگە لەوەی حکومەتی عێراق  تا ئێستا 23 ملیۆن لیتر نەوتی بۆ هەرێمی کوردستان ناردووە، لە بەشێکی زۆری ناوچە شاخاوییەکان بەرمیلی دووەمی نەوت بەسەر هاووڵاتیاندا دابەشکراوە.

ژمارەکان وادەڵێن: ئەو نەوتەی کە لەلایەن حکوومەتی هەرێمی کوردستان دابینکراوە، بەم شێوەیە بەسەر پارێزگاکاندا دابەش بووە.

- هەولێر، نزیکەی 96 ملیۆن لیتر
- سلێمانی و هەڵەبجە، زیاتر لە 94 ملیۆن لیتر   
- دهۆک، زیاتر لە 50 ملیۆن لیتر

تا ئێستا زیاتر لە ملیۆنێک و 202 هەزار خێزان ، لە وەرگرتنی نەوتی سپیی حکوومەتی هەرێمی کوردستان سوودمەند بوون و دەکاتە رێژەی نزیکەی (93%) ی کۆی ژمارەی خێزانەکانی هەرێمی کوردستان.

هەولێر: نزیکەی 100%
سلێمانی و هەڵەبجە: نزیکەی 89%
دهۆک: زیاتر لە 89%

ئەو نەوتەی حکومەتی فیدراڵی بۆ هەرێمی کوردستانی ناردووە
هەولێر، زیاتر لە 10 ملیۆن لیتر
سلێمانی و هەڵەبجە، زیاتر لە پێنج ملیۆن لیتر.
دهۆک، نزیکەی هەشت ملیۆن لیتر

تا ئێستا زیاتر 127 هەزار خێزان لە وەرگرتنی نەوتی سپیی حکوومەتی عێراق سوودمەند بوون:
هەولێر: نزیکەی 56 هەزار خێزان
سلێمانی و هەڵەبجە: زیاتر لە 22 هەزار خێزان
دهۆک: زیاتر لە 49 هەزار خێزان.

 

باکگراوند: نرخی ئەو نەوتەی حکومەتی هەرێمی کوردستان بۆ هەر بەرمیلێکی 200 لیتری  وەریدەگرێت 104 هەزار دینارە، ئەو نەوتەی لەلایەن حکومەتی عێراق بۆ هەرێمی کوردستان دەنێردرێت 50 ملیۆن لیترە و ئێستا 27 ملیۆن لیتر ماوە بۆ پارێزگاکانی هەرێمی کوردستانی بنێرێت.